MANENO MAZURI YA JUMAPILI HII YA 24 YA MWAKA!

Ee Bwana, uwape amani wakungojao....ili watu wawasadiki manabii wako; usikilize sala ya mtumwa wako na ya Taifa lako Israeli.

Ee Mungu, uliye muumba na mwokozi wa vitu vyote ututazame. Utuwezeshe kukutumikia kwa moyo wote, ili tupate baraka ya huruma yako.

Ee Bwana, uridhike na dua zetu; uipokee kwa wema dhabihu yetu sisi watumishi wako, ili kitu alichokutolea kila mmoja wetu kwa heshima ya jina lako, kitufae sote kwa wokovu.

Ee Bwana, tunakuomba nguvu ya neema zako za mbinguni itujaze mwili na roho, ili tusitawaliwe na tamaa zetu, ila tu na nguvu hiyo.