POLE SANA,,,.....AFRIKA HAIUZWI KABISA!

MANENO MAZURI KUTOKA KWA MKUU BABUKADJA WA FOTOBARAZA.ME. ANASEMA; Huwa napenda sana ninapopata bahati ya kitu kinachohamasisha ubongo wangu, kufikiri basi nishirikiane na wenzangu. Najua leo ni Jumatatu na watu wengi tukobize na kazi, ili tusiharibu kazi ya Bosi. Hebu tutazame kidogo Video hii ya mkali wa muziki wa kizazi kipya; Naeto C, toka kule nchini Nigeria. Nilipotazama video hii uzalendo wangu kwa Afrika ukarejea tena moyoni mwangu, nimefarijika kuona kwamba Afrika katika kizazi chetu bado wapo watu kama Naeto ambao wako radhi kufa wakiwa wamesimama kuitetea Afrika, na si kuiuza kwa ulaghai wa wabaka nchi. Tazama video hii vizuri utaona kuna sehemu pameandikwa, ''This House is not for Sale'', chukua usemi huo halafu ulete hapa kwetu Tanzania, halafu uniambie umeona nyumba ngapi huko mitaani kwetu zilizoandikwa ''Nyumba hii haiuzwi''. Tunashukuru Naeto C... kwa kibao hiki murua. Pia tunakushukuru kwa kuwa mfano mwema kwa vijana wa sasa wa Kiafrika kwa kuwaonyesha kwamba ukiingia ndani ya tasnia ya muziki haimaanishi kwamba wewe ni mbumbumbu. Hongera kwa kuwa msanii wa Hip Hop mwenye stashahada ya sayansi, ni mfano bora kwa sisi vijana wa sasa.

KIBAO CHENYEWE HIKI HAPA CHA; NAETO C.